Әлеуметтік серіктестер

Әлеуметтік серіктестік аясында атқарылып жатқан іскерлік шаралар

Кәсіптік және техникалық білім беруді дамыту, білім беруді дүниежүзілік стандарттарға сәйкестендіру өте маңызды мәселе. Еңбек нарығында білікті мамандар дайындау жүйесін құрудағы әлеуметтік серіктестіктердің құрылымын белсенді пайдалану қажет.

«Innovative Collegе» мекемесінде, еңбек нарығында жоғары білікті мамандар қажеттілігін қанағаттандыру, білікті жұмысшы кадрларды даярлауда, «0605000» - Әлеуметтік жұмыс  мамандығы бойынша, Семей қаласындағы «Арнаулы әлеуметтік қызмет көрсету»  және  «Жарқын болашақ» түзету орталықтарымен  бірлесе отырып, әлеуметтік серіктестік аясында,  тиімді жұмыстар ұйымдастырылып отыр. Әлеуметтік серіктестік аясында түлектеріміз колледжде меңгерген теориялық дайындықтарын бекітуге, сонымен қатар, белгілі бір еңбек ұжымында жұмыс жасауға дағдыланады. Ал, әлеуметтік серіктестеріміз түлектеріміздің жоғары потенциалдарын игеру арқылы, кадрлық резервтерін қамтамасыз етіп отыр. Нақтырық 2016-2017 оқу жылында «0605000» - Әлеуметтік жұмыс  мамандығын тәмамдаған, әлеуметтік  қызметкерлеріміз, Базаров Аңсаржан мен Ақабай Сабыржан  «Жарқын болашақ» түзету орталығынан технологиялық тәжірибеден өту барысында,  жұмысқа қабылданған болатын.

Әр  жыл сайын, келісім-шарттар жаңартылып, «0605000» - Әлеуметтік жұмыс  мамандығы бойынша студенттеріміз, осы орталықтардан (таныстыру, технологиялық) тәжірибелерінен өтеді. Студенттеріміз тәжірибеден өту барысында, аталған орталықтардың білікті мамандарымен бірлесе отырып, өмірлік қиын жағдайдағы тұлғаларға әлеуметтік қолдау көрсетуді,  мүмкіндігі шектеулі балалар мен отбасы мүшелеріне жүргізілетін психокоррекциялық қызмет әдістерін сараптауды және өңдеуді, социумдағы әлеуметтік жағдайды зерттеп, мүмкіндігі шектеулі балаларға әлеуметтік педагогикалық, психологиялық нақты көмек көрсетуді үйреніп,  мол тәжірибе жинақтап келеді.

20.01.2017 ж. № 1 жалпы білім беретін орта мектептердің жоғары сынып оқушылары арасында «Өз кәсібімді мақтан етемін!» тақырыбында байқау өткізілді. Байқауға ұсынылған кәсіптер арасында өрт сөндіруші кәсібі де болды. Соған байланысты мектеп оқытушылары « Innovetive college»  басшылығынан байқауды өткізуге қолдау көрсетуді сұрады. Колледж басшылығы байқауға қатысу үшін техникалық пәндер оқытушылары А.Н. Упиновты және А Н Тауыковты жіберді. Аталған оқытушылар шеберлік мектебін көрсетті және 250 оқушыны қамтыған жоғары сынып оқушылары арасында үгіт жұмыстарын жүргізді

Әлеуметтік серіктестер

  1.  ШҚО Қазынашылық департаменті, Семей қаласының Қазынашылық басқармасы
  2. Курчатов қаласының «Дезинфекция және алдын алу» мемлекеттік мекемесі
  3. Экономика және бюджеттік жоспарлау бөлімі ММ
  4. «ПожЦентрСемей» ЖШС
  5. «Grand Semey» ЖШС
  6. «Арнайы әлеуметтік қызметтер көрсету орталығы» ҚМУ
  7. «Жарқын болашақ» түзету орталығы
  8. «Best» тіл орталығы
  9. «Зангер» автомектебі
  10. Семей қаласының Төтенше жағдайлар министрлігі
  11. Курчатов қаласының полиция басқармасы
  12. Шығыс Қазақстан облысы атқарушы органның жеке сот орындаушысы
  13. ГКП «Тэплокоммунэнерго»