«Сахна саздары» атты драма үйірмесінде 15 оқушы бар. Қыркүйек айында үйірменің мүшелерімен бірігіп 1 жылдық үйірменің жоспары жасалынды. «Сахна саздары» атты драмалық үйірменің бірінші онлайн отырысын өткіздік. Бұл отырыста 2020-2021 оқу жылына арналған «Сахна саздары» атты драмалық үйірменің жылдық жоспарын құрылды, драмалық үйірмеге қатысатын оқушыларды іріктеу мақсатында топ оқушыларымен жұмыстар жасалынды, қазақтың белгілі драматург жазушыларының шығармашылығымен сусындау мақсатында келесі отырысқа мазмұнын біліп келу үшін тапсырмалар берілді.  М. Әуезов және басқа да қазақ жазушыларының пьесаларын, поэмаларын оқуға тапсырмалар беру мәселелері қарастырылды. Айына 1 рет үйірме отырысы өткізіліп отырды.

          Сондай-ақ, Тілдер мерекесіне орай мәнерлеп оқуға оқушыларды дайындау жұмыстары жүргізілді. Тәуелсіздік мерекесіне орай ақын-жазушылардың шығармашылықтарымен таныстырылып, сусындатылды. Елбасымыз Н.Ә.Назарбаевтың өмір жолы, шығармашылық қыры жөнінде үйірме мүшелері арасында пікірталас сайысы ұйымдастырылды. Сонымен қатар, Тәуелсіздігіміздің 29 жылдығына орай «Желтоқсан  жаңғырығы» атты рефераттар мен баяндамалар жазылып, талқыланды.

Үйірме мүшелері түрлі деңгейдегі қалалық шараларға қатысып бақтарын сынады. «Тілім менің тірлігімнің айғағы» атты сайысқа белсене араласты. А.Құнанбаевтың 175 жылдығына орай өткізілген қалалық, облыстық республикалық шығармашылық байқауларға қатысып, бақтарын сынады. Жүлделі орындарға ие болды. Аталған іс шаралардың барлығы онлайн түрде өтті.

Үйірме мүшелері өздеріне артылған міндеттерді тиянақты орындап, әр шараға, үйірменің әр отырысына үлкен белсенділікпен ат салысты.